JAMA Dermatol журналида эълон қилинган мақолада Испания олимлари ёзишича оғизга тошадиган тошмалар COVID-19 нинг энг эрта кўринадиган белгиси бўлиши мумкинлиги хақида ёзишган.

Мадриддаги Рамон-и-Кахаль шифохонаси шифокорлари касаллик тошма билан кечаётган 21 та беморни текширишди. Улардан 29% да энантема – шиллиқ қаватларни ўчоқли зарарланиши аниқланди. Кўпинча энантема тери қорламасига тошма тошишидан аввалроқ бошланади.

Текширувдан ўтказилган беморларнинг ёши 40 ёшдан 69 ёшгача бўлиб, уларнинг 66% аёллардир.

Шиллиқ қаватларига тошма тошиши ва COVID-19 белгилари бошланишигача бўлган оралиқ вақт ўртача 12,3 кунни ташкил этган.

Тадқиқодчилар  текширилган беморлар сони озлиги ва контрол группа йўқлиги учун,  шиллиқ қаватдаги тошмалар ва COVID-19 касаллигини бир-бири билан боғлашга хали жуда эрта деб такидлашмоқда.