Она бачадонида ва хомила орасида йўлдош орқали модда алмашинуви рўй беради. Хомила ривожланиши учун озуқа ва хавони етказиб берадиган хамда хомила чиқиндисини олиб кетиш учун керак бўладиган аъзо – киндикдир.

Хомилалик вақтида.

Киндик тутамининг бир учи хомила қорини марказида бўлса, иккинчи қисми йўлдошга бориб туташади. Киндик тутами таркибига артерия қон томири ва вена томирлари киради. Артерия қон томири озуқа ва хавога бой қонни олиб келади, вена томирлари эса пайдо бўлган «чиқинди”ларни олиб кетади.

Туғилгандан сўнг.

Бола туғилгач киндик кесилади ва бола биринчи нафасни олади. Киндик ўрни 2 хафта атрофида тўлиқ битади ва кесилган чўлтоғи ўзи тушиб кетади. Хомилалик вақтидаги киндик тутамидаги томирлар битади ва уларни кейинчалик бойламлар дейилади. Жигардан келадиган венани кейинчалик жигарнинг юмалоқ бойлами деб аталади. Киндикнинг шакли, ўлчами ва чуқурлиги хамма учун хар хилдир. Кейинчалик бу ер қориннинг нозик қисми бўлиб қолади ва бу ердан чурра чиқиш эхтимоли юқори.